შრი ჩინმოი კითხულობდა ლექციებს მსოფლიოს უნივერსიტეტებში, მათ შორის ჰარვარდში, ოქსფორდსა და კემბრიჯში, სადაც ხაზს უსვამდა იოგის, რელიგიისა და სულიერების ჭეშმარიტებას თანამედროვე მაძიებლისთვის. წიგნი ჩემი სუროს ლიგის ფოთლები მოიცავს ლექციებს ჰარვარდში, იელსა და სტენფორდში.
ეს საიტი ცდილობს მთლიანად მოიცვას შრი ჩინმოის ლიტერატურული ნაწარმოებები. ამჟამად ხელმისაწვდომია 1807 წიგნი, პერიოდული გამოცემა და სხვა ნაწარმოები, რომელთაგან 4 ითარგმნა Georgian ენაზე.
წიგნების სია:
შრი ჩინმოის ნაწარმოები
საუბრები და უნივერსიტეტის ლექციები
კითხვებზე პასუხები
წლების განმავლობაში შრი ჩინმოიმ უპასუხა უამრავ კითხვას სულიერი ცხოვრების შესახებ, სთავაზობდა პრაქტიკულ ხელმძღვანელობას მარტივი, პირდაპირი და ძლიერი პასუხებით. ეს კითხვები თავმოყრილია წიგნებში: შრი ჩინმოი პასუხობს და ცეცხლის ტალღები.
პოეზია
შრი ჩინმოი იყო ნაყოფიერი პოეტი, რომელმაც დაწერა 130 000-ზე მეტი ლექსი, ლოცვა და აფორიზმი. შრი ჩინმოის ბევრი ადრეულ ასაკში დაწერილი ლექსი შესულია წიგნში ჩემი ფლეიტა
შრი ჩინმოის პოეტური ნაწარმოებების დიდი ნაწილი შესულია სამ ეპიკურ კრებულში:
- ათი ათასი ცეცხლის ყვავილი: (1978 - 1983)
- ოცდაშვიდი ათასი მისწრაფების ნერგი: (1983 - 1998)
- სამოცდაჩვიდმეტი ათასი მსახურების ხე: 50,000 ლექსი, დაწერილი 1998 - 2007 წლებში
მოთხრობები
შრი ჩინმოის უყვარდა ისტორიების მოყოლა. შრი ჩინმოის მოთხრობებს შორის არის ბევრი ტრადიციული ინდური ისტორია: ინდოეთი და მისი სასწაულთა ზეიმის სერია, ასევე ისტორიები სხვადასხვა ქვეყნებიდან თანამდვე ინტერპრეტაციით.
პიესები
შრი ჩინმოი წერდა პიესებს დიდი ავატარების ცხოვრებაზე, მათ შორის: ბუდაზე, ქრისტეზე, შრი ჩაიტანიაზე და შრი რამაკრიშნაზე, სადაც საუბარია მათი სწავლების და ცხოვრების კვინტესენციაზე. ამ პიესებში ხაზი აქვს გასმული სხვადასხვა სულიერი ტრადიციების ერთობაზე.
კეთილი სიტყვები მსოფლიო ლიდერებზე
შრი ჩინმოიმ დაწერა უამრავი წიგნი იმ ადამიანებზე, რომლებითაც ღრმად აღფრთოვანებული იყო. ამ წიგნებშია ლექსები, სიმღერები და საუბრები იმ დიდი პიროვნებების დიდ მიღწევებზე, როგორებიცაა პრეზიდენტი მიხაილ გორბაჩოვი, პრეზიდენტი ნელსონ მანდელა და დედა ტერეზა.
ისტორიები შრი ჩინმოის ცხოვრებიდან
შრი ჩინმოის არ დაუწერია ავტობიოგრაფია, მაგრამ მან დაგვიტოვა უამრავი ბავშვობისა და ახალგაზრდობის მოგონება, რომლებიც გამოქვეყნებულია მის წიგნებში. მოგვიანებით, უკვე ამერიკაში ცხოვრების დროს, შრი ჩინმოი გვიყვებოდა სახალისო ისტორიებს თავისი ყოველდღიური ცხოვრებიდან, რომლებიც გამოქვეყნდა წიგნებში: მსოფლიო გამოცდილების ხეზე მძრომიალე (ისტორიები მისი საერთაშორისო მოგზაურობებიდან) და ირბინე და გახდი (ისტორიები მომხდარი მისი სპორტული ვარჯიშების დროს).